ஆராதனா துரையின்...
இலக்கணம் பெண்மையே...! ஆராதனா துரை அவங்க கதை படிச்சிருக்கியா...? அவங்க எழுத்து நல்லாருக்கும் என்ற என் அத்தையின் வார்த்தைகள் தான் உங்கள் எழுத்தை தேடிப் படிக்கத் தூண்டியது... முதல் அத்தியாயத்திலேயே நாம எப்படி இவங்க எழுத்தை கவனிக்காமல் போனோம் என்ற எண்ணங்கள் தான்... கதை முழுவதும் வாசிப்பதற்குள் இடையிடையே அன்றாட வேலைகள் இருந்தாலும்... சாலாவிலிருந்து வெளிவரவே முடியவில்லை... முழுவதும் எப்போது வாசிப்போம் என்று ஒரு குரல் மனதில் ஒலித்துக் கொண்டே இருந்தது... கதைகளில் ஏதாவது ஒரு காட்சியில் மனம் பதறும்... ஆனால் சாலாவிற்காக கதை முழுவதுமே மனம் பதறுகிறது... அந்த வேதனையை வாசிக்கும் நமக்கே அந்த நிகழ்வைக் கடக்க முடியவில்லை...
சாலா என்ன செய்யப் போகிறாள்...? கடந்து விடுவாளா...?
அவளின் உடல் வேதனை வேறு எப்படி சமாளிப்பாள்...? என்று ஆயிரம் யோசனைகள்...
சாலா நின்று... நிதானித்து திரும்ப அடிப்பது அத்தனை சூப்பர்...
அவளுடைய பொறுமையும்... விவேகமும்... வாவ் என வாய்பிளக்கச் செய்கிறது...
இன்று சாலாவைப் போல எத்தனை பெண்கள்...படிப்பில்லாத பெண்கள் கூட விரைவில் வெளியே வந்துவிடுகிறார்கள்... படித்த பெண்கள் அந்த நொடியிலேயே வேதனையோடு தேங்கி விடுகிறார்கள்...
ஆனால்... சாலா இன்று பல பெண்களுக்கு முன்னுதாரணம்... வழிகாட்டி... நம்பிக்கை...வாழ்க்கையை கடந்து போக வழித்துணை...
வலியை சுமக்கும் ஒரு பெண்ணின் மனத்துயரங்களை இத்தனை தத்ரூபமாக சொல்ல முடியுமா...? ஒரு துளி அளவு கூட விடவில்லை... சாலாவைப் போன்ற பெண்ணின் மன உணர்வுகளை கொஞ்சம் கூட குறையாமல் அத்தனை நேர்த்தியான எழுத்து...
உன்னைப் போல் ஒரு ஆள் என் வாழ்வில் இல்லவே இல்லை என்று சாலா சொல்லும் போது சபாஷ் போட வைக்கிறது...
எல்லா கதாபாத்திரங்களும் மனதில் பதிந்து விட்டது... மீனாட்சி ... சாலாவை மட்டுமல்ல நம்மையும் யோசிக்க வைக்கிறாள்... அவசரத்தில் என்றுமே முடிவெடுக்க கூடாதென்பதுதான்... மணிமாறன்... பல பேர் இப்படித்தான்... சொந்த வாழ்க்கையை இழந்தும் விடுகிறார்கள்... தேவி... இன்னும் பெண்கள் இந்த பிரச்சினையை சந்தித்து வருகின்றனர்... பாண்டியம்மாளுக்கு வாழ்க்கை பாடம் புகட்டியது போல்... அல்லலுறும் பெண்களுக்கு வாழ்வில் விடியல் கிடைக்கட்டும் 
...
வயது வித்தியாசமின்றி எதிரில் சந்திக்கும் எல்லோரிடமும் உங்கள் எழுத்தைப் பற்றி பேசத் தோன்றுகிறது... என்னால் முடிந்த வரை எல்லோருக்கும் கதையைப் பகிர்ந்தேன்... இது சாதாரண கதையல்ல...வாழ்க்கையை கடக்க முடியாத பெண்களுக்கு ஒளிவிளக்கு...
கணவனின் அன்பைப் பெறுவதில் சாலா தோற்றிருக்கலாம்...
ஆனால் வாழ்க்கையில் ஜெயித்து விட்டாள்...
Last edited:
